藝人林淑敏於處境劇《愛‧回家之開心速遞》飾演「大小姐」一角為人熟悉，潑辣形象深入民心，但其實私底下充滿愛心，近日佢為慈善活動拍攝宣傳影片，片中佢化身魔鬼教練，扶持青年人完成單車比賽，佢更有感而發表示：「如果人生係一場單車比賽，咁每一個人嘅裝備同單車，都可能有少少唔同。喺呢個社會有好多年輕人，佢哋可能喺起跑線上比較遲，佢哋先天嘅裝備可能唔足夠，佢哋好需要我哋嘅支持同幫助，令佢哋嘅才能得以發揮。」佢又分享自身經歷：「我嘅生命都經歷過好大嘅困難，難關之中我明白除咗自己嘅努力，身邊有愛你同關心你嘅人都好重要。」
相片：(播道兒童之家提供)
「大小姐」變魔鬼教練 林淑敏教踩單車有感而發
